ਕੀ ਕਹਾਂ ਮਹਤੱਵ ਮੈਂ ਰੱਖੜੀ ਦਾ
ਇਹ ਕੋਈ ਮਾਮੂਲੀ ਡੋਰ ਨਹੀਂ ।
ਧੀਆਂ ਕੁੱਖ ਵਿਚ ਹੀ ਹੋਣ ਜੇ ਕੱਤਲ
ਹੁਣ ਲੱਗਦਾ ਇਸ ਦੀ ਵੀ ਲੋੜ ਨਹੀਂ ।।
ਤੰਦ ਰੰਗ ਪਿਆਰ ਦੇ ਰੰਗ ਗੂੜ੍ਹਾ
ਗੁੱਟ ਵੀਰਾਂ ਦੇ ਦੇਣ ਸ਼ਜਾ ਭੈਣਾਂ ।
ਵਚਨ ਰਾਖੀ ਦਾ ਜੜ੍ਹ ਤੰਦ ਉੱਤੇ
ਲੰਬੀ ਉਮਰ ਦੀ ਕਰਨ ਦੁਆ ਭੈਣਾਂ ।।
ਕੋਈ ਦੁੱਖ ਮੁਸੀਬਤ ਨਾ ਆਵੇ ਨੇੜੇ
ਤੰਦ ਭਰਿਆ ਨਾਲ ਉਤਸ਼ਾਹ ਭੈਣਾਂ ।
ਹੋਰ ਕਰਾਂ ਕੀ ਸਿਫ਼ਤ ਮੈਂ ਰੱਖੜੀ ਦੀ
ਵਿੱਛੜੇ ਵੀਰ ਵੀ ਲੈਣ ਮਿਲਾ ਭੈਣਾਂ ।।
ਕੌਣ ਬੰਨ੍ਹੇਗਾ ਰੱਖੜੀ ਵੀਰਾਂ ਨੂੰ
ਹੁੰਦਾ ਰਿਹਾ ਜ਼ੁਲਮ ਜੇ ਕੁੜੀਆਂ ਤੇ ।
ਖਾਲੀ ਹੋ ਜਾਉ ਇਕ ਦਿਨ ਜਹਾਨ ਸਾਰਾ
ਬੰਨ ਪਿਆ ਨਾ ਜੇ ਕੁਰੀਤਾਂ ਤੁਰੀਆਂ ਤੇ ।।
ਡੋਰ ਪਿਆਰ ਦੀ ਬੰਨ ਗੁੱਟ ਉੱਤੇ
ਭੈਣਾਂ ਭੇਜੇ ਸੀ ਵੀਰ ਜੰਗ ਉੱਤੇ ।
ਇਜਤ ਹੁੰਦੀ ਜਾਨ ਤੋਂ ਪਿਆਰੀ ਨੂੰ
ਬਾਹਰੋਂ ਆਣ ਕੇ ਵੈਰੀ ਕੋਈ ਕਿੰਝ ਲੁੱਟੇ ।।
ਦੂਜੀ ਡੋਰ ਸੀ ਹਿਮੰਤ ਵਿਸ਼ਵਾਸ ਦੀ
ਵਾਂਗ ਸ਼ੇਰਾਂ ਗੱਜੇ ਵਿਚ ਮੈਦਾਨਾਂ ਦੇ ।
ਨਾਲ ਵੀਰਤਾ ਦੁਸ਼ਮਣ ਢੇਰ ਕੀਤੇ
ਮੈਂ ਸਦਕੇ ਉਹਨਾਂ ਬਲਵਾਨਾਂ ਦੇ ।।
ਨਾਲ ਸਦਕੇ ਉਹਨਾਂ ਭੈਣਾਂ ਦੇ
ਜਿਹਨਾਂ ਵੀਰ ਸ਼ੇਰ ਬਣਾਏ ਨੇ ।
ਇਸ ਕੱਚੇ ਤੰਦ ਦੀ ਡੋਰ ਵਿਚ
ਹੋਰ ਲੱਖਾਂ ਗੁਣ ਸ਼ਮਾਏ ਨੇ ।।
