ਤੂੰ ਕਿਉਂ ਕਰਦਾ ਹੈਂ ਮੇਰ ਤੇਰ
ਤੂੰ ਕਿਉਂ ਕਰਦਾ ਹੈਂ ਤੇਰ ਮੇਰ
ਤੂੰ ਦੇਖ ਨ ਮੈਨੂੰ ਘੂਰ ਘੂਰ
ਕਿਉਂ ਦਿਲ ਨੂੰ ਕਰਦੈਂ ਚੂਰ ਚੂਰ
ਤੂੰ ਰਹਿ ਨ ਮੈਥੋਂ ਦੂਰ ਦੂਰ
ਆਖੀ ਨਾ ਜਾ ਹੁਣ ਫੇਰ ਫੇਰ
ਤੂੰ ਕਿਉਂ ਕਰਦਾ ਹੈਂ ਮੇਰ ਤੇਰ ।
ਮੈਂ ਥਕਿਆ ਤੈਨੂੰ ਟੋਲ ਟੋਲ
ਛਡ ਦੂਰੀ ਆ ਜਾ ਕੋਲ ਕੋਲ
ਘੁੰਡੀ ਹੁਣ ਦਿਲ ਦੀ ਖੋਲ ਖੋਲ
ਹੁਣ ਸਜਣਾ ਨਾ ਕਰ ਦੇਰ ਦੇਰ
ਤੂੰ ਕਿਉਂ ਕਰਦਾ ਹੈਂ ਮੇਰ ਤੇਰ ।
ਫੁਲ ਸੁਹੰਦਾ ਅਪਣੀ ਡਾਲ ਨਾਲ
ਆ ਲਗ ਜਾ ਅਪਣੀ ਢਾਲ ਨਾਲ
ਆ ਜਾ ਹੁਣ ਰਹੀਏ ਨਾਲ ਨਾਲ
ਨਾ ਵੇਖ ਤੂੰ ਅੱਖਾਂ ਟੇਰ ਟੇਰ
ਤੂੰ ਕਿਉਂ ਕਰਦਾ ਹੈਂ ਮੇਰ ਤੇਰ ।
ਤੇਰੇ ਦਿਲ ਵਿਚ ਬੈਠਾ ਘੇਰ ਘੇਰ
ਜਿਸ ਦੇ ਹਥ ਤੇਰੀ ਡੋਰ ਡੋਰ
ਤੂੰ ਸਾਨੂੰ ਸਮਝੇਂ ਹੋਰ ਹੋਰ ।
ਮਾਰੇ ‘ਹਮਦਰਦਾ’ ਗੇਰ ਗੇਰ
ਤੂੰ ਕਿਉਂ ਕਰਦਾ ਹੈਂ ਮੇਰ ਤੇਰ
