ਉਠ ਜਾਗ ਕਿਸਾਨਾ ਯੋਧਿਆ ਉਠ ਪੱਗ ਸੰਭਾਲ਼ ਉਇ ।
ਤੇਰੇ ਘਰ ਤੱਕ ਦੁਸ਼ਮਣ ਆ ਗਿਆ ਤੇਰਾ ਲੁੱਟਣ ਮਾਲ ਉਇ ।
ਜਾਗ ਕਿਸਾਨਾ ਘਰ ਤੇਰੇ ਵਿੱਚ ਦੁਸ਼ਮਣ ਲਾਈਆਂ ਅੱਗਾਂ ।
ਤੂੰ ਸੁੱਤਾ ਤੇਰੇ ਸਿਰ ਤੋਂ ਫਿਰਦੈ ਦੁਸ਼ਮਣ ਲਾਹੁਣ ਨੂੰ ਪੱਗਾਂ ।
ਖੇਡ ਰਹੀ ਸਰਕਾਰ ਤੇਰੇ ਨਾਲ ਕੋਝੀ ਚਾਲ ਉਇ ।
ਇਕ ਪਾਸੇ ਮਹਾਂ ਮਾਰੀ ਉਪਰੋਂ ਦਿੱਲੀ ਚੁਕੀਆਂ ਅੱਤਾਂ ।
ਬੇਈਮਾਨ ਸਰਕਾਰ ਦੀਆਂ ਨੇ ਮਾਰੀਆਂ ਗਈਆਂ ਮੱਤਾਂ ।
ਦੇਸ਼ ਦੇ ਅੰਨ ਦਾਤੇ ਨੂੰ ਕਰਨਾ ਚਾਹੁਣ ਕੰਗਾਲ ਉਇ ।
ਪੂੰਜੀਪਤੀ ਅਮੀਰਾਂ ਦੇ ਹੱਥ ਵਿਕੀਆਂ ਨੇ ਸਰਕਾਰਾਂ ।
ਹਰੇ ਭਰੇ ਤੇਰੇ ਖੇਤਾਂ ਦੇ ਵਿੱਚੋਂ ਲੁੱਟਣਾ ਚਾਹੁਣ ਬਹਾਰਾਂ ।
ਮੋਢੇ ਨਾਲ ਮੋਢਾ ਜੋੜ ਚਲੋ ਸ਼ੇਰਾਂ ਦੀ ਚਾਲ ਉਇ ।
ਹੱਥਾਂ ਦੇ ਵਿੱਚ ਹੱਥ ਫੜੋ ਕਦਮਾਂ ਨਾਲ ਕਦਮ ਮਿਲਾਵੋ ।
ਦੇਸ਼ ਵਾਸੀਓ ਕੱਠੇ ਹੋ ਕੇ ਜ਼ਾਲਮ ਤਖਤ ਹਿਲਾਵੋ ।
ਪਰਬਤ ਡੋਲਣ ਧਰਤੀ ਤੇ ਆ ਜਾਏ ਭੂਤਾਲ ਉਇ ।
ਉਠ 'ਸੁਰਜੀਤ' ਅਸੀ ਵੀ ਹੁਣ ਕਿਰਸਾਨ ਦੇ ਨਾਲ ਖਲੋਈਏ ।
ਬੰਨ ਕਾਫ਼ਲੇ ਧੀਆਂ ਮਾਵਾਂ, ਯੁੱਧ ਵਿੱਚ ਸ਼ਾਮਲ ਹੋਈਏ ।
ਛੱਡਣੇ ਨਹੀਂ ਹੱਕ, ਭਾਵੇਂ ਲੱਗ ਜਾਣ ਸਾਲ ਉਇ ।
