ਯਾਦ ਤੇਰੀ ਨਾਲ ਦਿਲ ਵਿਚ ਮਹਿਕੀ

ਯਾਦ ਤੇਰੀ ਨਾਲ ਦਿਲ ਵਿਚ ਮਹਿਕੀ ਮਿੱਟੀ ਦੀ ਖ਼ੁਸ਼ਬੂ

ਮੇਰੇ ਚਾਰ ਚੁਫ਼ੇਰੇ ਫੈਲੀ ਮਿੱਟੀ ਦੀ ਖ਼ੁਸ਼ਬੂ

ਰਾਤ ਦੀ ਰਾਣੀ ਦੇ ਵਾਲਾਂ ਨਾਲ ਕਣੀਆਂ ਖੇਡਦੀਆਂ,

ਵੇਲੇ ਦੇ ਆਂਗਨ ਵਿਚ ਉਤਰੀ ਮਿੱਟੀ ਦੀ ਖ਼ੁਸ਼ਬੂ

ਪਹਿਲਾਂ ਤੈਨੂੰ ਫੁੱਲਾਂ ਦਾ ਇਕ ਹਾਰ ਪਵਾਇਆ ਫੇਰ,

ਖ਼ਾਬ ਮੇਰੇ ਨਾਲ ਕੇ ਲਿਪਟੀ ਮਿੱਟੀ ਦੀ ਖ਼ੁਸ਼ਬੂ

ਉੱਚਿਆਂ ਮਹਿਲਾਂ ਦੇ ਜੰਗਲ ਵਿਚ ਜਦ ਸਾਂ ਵਿੱਸਰ ਗਇਆ,

ਜੁਗਨੂੰ ਬਣ ਕੇ ਸਾਹ ਵਿਚ ਚਮਕੀ ਮਿੱਟੀ ਦੀ ਖ਼ੁਸ਼ਬੂ

ਲੱਖ ਜ਼ਮੀਨਾਂ ਵੇਖ ਲਈਆਂ ਨੇ ਫੇਰ ਵੀ 'ਸਾਕਿਬ' ਜੀ,

ਨਹੀਂ ਭੁੱਲਦੀ ਉਹ ਦੇਸ ਮੇਰੇ ਦੀ ਮਿੱਟੀ ਦੀ ਖ਼ੁਸ਼ਬੂ

📝 ਸੋਧ ਲਈ ਭੇਜੋ