ਯਾਦਾਂ ਦਾ ਸਰਤਾਨ ਏ ਮੇਰੇ ਸੀਨੇ ਵਿੱਚ ।
ਸਾਹ ਤੇ ਹੁਣ ਮਹਿਮਾਨ ਏ ਮੇਰੇ ਸੀਨੇ ਵਿੱਚ ।
ਐਵੇਂ ਤੇ ਨਹੀਂ ਅੱਥਰੂ ਡਿਗਦੇ ਅੱਖੀਆਂ ਚੋਂ,
ਟੁੱਟ-ਭੱਜ ਦਾ ਸਾਮਾਨ ਏ ਮੇਰੇ ਸੀਨੇ ਵਿੱਚ ।
ਇਕ ਥਾਂ ਤੇ ਨਹੀਂ ਬੈਠਣ ਦਿੰਦਾ ਚੈਨ ਦੇ ਨਾਲ,
ਖ਼ਬਰੇ ਕੀ ਬਹੁਰਾਨ ਏ ਮੇਰੇ ਸੀਨੇ ਵਿਚ ।
ਆਸ ਵਫ਼ਾ ਦੀ ਰੱਖਦਾ ਏ ਇਕ ਪੱਥਰ ਤੋਂ,
ਦਿਲ ਕਿੰਨਾਂ ਨਾਦਾਨ ਏ ਮੇਰੇ ਸੀਨੇ ਵਿਚ ।
ਐਵੇਂ ਤੇ ਯਲਗਾਰ ਨਹੀਂ ਕੀਤੀ ਦੁੱਖਾਂ ਨੇ,
ਜਜ਼ਬੇ ਦਾ ਫੁਕਦਾਨ ਏ ਮੇਰੇ ਸੀਨੇ ਵਿਚ ।
ਮੇਰੇ ਤੇ ਅੱਜ ਭੇਤ 'ਸਲੀਮ' ਇਹ ਖੁੱਲਿਆ ਏ,
ਮੈਥੋਂ ਵੱਖ ਇਨਸਾਨ ਏ ਮੇਰੇ ਸੀਨੇ ਵਿਚ ।
