ਮੈਂ ਕਹਿੰਦੀ ਨਹੀਂ ਸਾਂ ਕਿ ਇਸ ਕੁੜੀ ਦੀ ਸ਼ਕਲ ਅਰ ਜ਼ਬਾਨ ਵੱਲ ਨਾ ਵੇਖੋ। ਇਹ ਤਾਂ ਇੱਕ ਮਿੱਠੀ ਛੁਰੀ ਹੈ।

ਕਿਰਪਾ ਕਰਕੇ ਰਕਮ ਭੇਜਣ ਤੋਂ ਪਹਿਲਾਂ, ਆਪਣੀ ਮਿਤੀ ਕੱਟ ਲੈਣੀ, ਨਹੀਂ ਤੇ ਉੱਥੋਂ ਕੁਝ ਨਹੀਂ ਮਿਲਣਾ।

ਉਸ ਨੇ ਮਿਤੀ ਗਿਣ ਕੇ ਦੱਸਿਆ ਕਿ ਅੱਜ ਵੀਹ ਵਿਸਾਖ ਹੈ ਕਿਉਂਕਿ ਮਹੀਨਾ ਬੁੱਧਵਾਰ ਚੜ੍ਹਿਆ ਸੀ।

ਅੱਜ ਤੁਹਾਡੀ ਮਿਤੀ ਪੁੱਗਿਆਂ ਦਸ ਦਿਨ ਹੋ ਗਏ ਹਨ। ਹੁਣ ਤੇ ਰੁਪਏ ਹਾਜ਼ਰ ਨਹੀਂ, ਜਦੋਂ ਆਏ ਦਿਆਂਗੇ।

ਕੰਧਾਂ ਉੱਤੇ ਵੱਡੇ ਵੱਡੇ ਪੋਸਟਰ ਚਮਕਣ ਲੱਗੇ, ਜਿਨ੍ਹਾਂ ਵਿੱਚ ਮੁਖਾਲਫ ਉਮੀਦਵਾਰਾਂ ਦੀਆਂ ਕਰਤੂਤਾਂ ਦੇ ਕੱਚੇ ਚਿੱਠੇ ਖੂਬ ਮਿਰਚ ਮਸਾਲਾ ਲਾ ਕੇ ਛਾਪੇ ਜਾਂਦੇ ਸਨ।

ਗੁਰਬਖ਼ਸ਼ ਨੇ ਸਾਨੂੰ ਗੁਲਵੰਤ ਦਾ ਰਿਸ਼ਤਾ ਟੁੱਟਣ ਦੀ ਗੱਲ ਖ਼ੂਬ ਮਿਰਚ ਮਸਾਲਾ ਲਾ ਕੇ ਸੁਣਾਈ ।

ਮੇਰੇ ਮੂੰਹੋਂ ਖਰੀਆਂ ਖਰੀਆਂ ਸੁਣ ਕੇ ਸ਼ਾਮ ਨੂੰ ਬੜੀਆਂ ਮਿਰਚਾਂ ਲੱਗੀਆਂ ।

ਸੱਚੀ ਗੱਲ ਸੁਣ ਕੇ ਉਸ ਨੂੰ ਮਿਰਚਾਂ ਲੜ ਜਾਣੀਆਂ ਸਨ। ਪਰ ਮੈਨੂੰ ਉਸ ਦੇ ਗੁੱਸੇ ਦੀ ਪਰਵਾਹ ਨਹੀਂ। ਮੈਂ ਲੁਕਾ ਨਹੀਂ ਕਰ ਸਕਦਾ।

ਸਾਮੀ-ਸ਼ਾਹ, ਵਿਆਜ ਬੜਾ ਲਿਖਿਆ ਈ।
ਸ਼ਾਹ—ਬੜਾ ਲਿਖਿਆ, ਭਾਈ ਬੜਾ ਲਿਖਿਆ !
ਚੰਗੀ ਜਾਤੀ ਦੇ ਚੌਧਰੀ ! ਨਹੋਣ ਸਾਖੀ ਏ, ਮੈਨੂੰ ਇਹਦੇ ਵਿੱਚ ਘਾਟਾ ਏ। ਮੇਰਾ ਪੰਜ ਰੁਪਏ ਸੈਂਕੜੇ ਤੇ ਚੜ੍ਹਦਾ ਏ। ਰੁਪਏ ਦਾ ਅੱਜ ਕਲ੍ਹ ਮੁਸ਼ਕ ਨਹੀਂ ਲੱਭਦਾ ਕਿਤੇ। ਤੇਰੀ ਸਾਡੀ ਤੇ ਮੁੱਢੋਂ ਬਣੀ ਹੋਈ ਏ, ਇਸ ਲਈ ਕੱਢ ਕੇ ਤੇਰੀ ਝੋਲੀ ਪਾ ਦਿੱਤਾ ਏ।

ਚਾਚੇ ਨੇ ਆਖਿਆ, 'ਵੇਖ ਬੱਚੂ, ਵੇਲਾ ਨਾ ਜਾਣ ਦੇ, ਫੜ ਕੇ ਕਸ ਲੈ ਇਹਦੀਆਂ ਮੁਸ਼ਕਾਂ ਤੇ ਅਸੀਂ ਘੋੜੀ ਉੱਤੇ ਸੁੱਟ ਕੇ ਅੱਡੀ ਲਾਉਨੇ ਆਂ।'

ਤੁਸੀਂ ਉੱਧਰ ਚੱਲੇ ਤੇ ਹੋ ! ਇਹ ਵੀ ਦੱਸ ਜਾਉ ਕਿ ਮੁਹਾਰਾਂ ਮੋੜੋਂਗੇ ਕਦੇ ? ਅਸੀਂ ਪਿੱਛੇ ਉਡੀਕ ਵਿੱਚ ਹੀ ਨਾ ਸੁੱਕਦੇ ਰਹੀਏ।

ਮੇਰਾ ਗੁਆਂਢੀ ਆਪਣੇ ਪ੍ਰੇਮ ਭਰੇ ਵਤੀਰੇ ਕਾਰਨ ਮੇਰੀ ਮੁੱਛ ਦਾ ਵਾਲ ਬਣ ਗਿਆ ਹੈ।