ਚੁੱਪ ਬੈਠੀਂ ਨਾ ਮਿੱਟੀ ਦਿਆ ਬਾਵਿਆ ਵੇ,
ਕਿਹੜਾ ਸੂਰਮਾਂ ਖਿੱਚ ਲਊ ਜ਼ੁਬਾਨ ਤੇਰੀ !
ਤੇਰੇ ਸਾਹਾਂ ਦੀ ਗਿਣਤੀ ਨਹੀਂ ਬਦਲ ਸਕਦਾ ! ਹਾਏ ਬਦਲ ਸਕਦਾ !
ਜ਼ਮੀਰ ਹੋਣੀ ਨਹੀਂ ਸੌਖੀ ਨਿਲਾਮ ਤੇਰੀ !
ਤੇਰੇ ਬੋਲਣ ਤੋਂ ਹੈ ਇਤਰਾਜ਼ ਉਹਨੂੰ
ਉਹਨੂੰ ਗੀਤ ਤੇਰੇ ਤੋਂ ਖ਼ੌਫ਼ ਆਵੇ
ਉਹ ਤਾਂ ਨ੍ਹੇਰੇ ਵਿੱਚ ਮਾਰਦਾ ਫਿਰੇ ਫੂਕਾਂ, ਬਈ ਫਿਰੇ ਫੂਕਾਂ !
ਦੀਪ ਮਸਤਕ ਦਾ ਬੱਝ ਕੇ ਜਗੀ ਜਾਵੇ !
ਤੇਰੀ ਬੜ੍ਹਕ ਨਾਲ ਵੈਰੀ ਨੇ ਭਿੱਜ ਜਾਣਾ, ਹਾਏ ਭਿੱਜ ਜਾਣਾ
ਸਲਾਮਤ ਰਹਿਣੀ ਐਂ ਤੇਗ ਤੇ ਮਿਆਨ ਤੇਰੀ !
ਚੁੱਪ ਬੈਠੀਂ ਨਾ ਮਿੱਟੀ ਦਿਆ ਬਾਵਿਆ ਉਏ,
ਕਿਹੜਾ ਆਣਕੇ ਖਿੱਚ ਲਊ ਜ਼ੁਬਾਨ ਤੇਰੀ !
