ਪੰਜਾਬ ਤੈਨੂੰ ਕੀ ਹੋ ਗਿਐ
ਤੈਨੂੰ ਵੇਖ ਮੇਰਾ ਦਿਲ ਰੋ ਪਿਐ
ਕਿੱਥੇ ਟੱਲੀਆਂ ਤੇ ਸੰਖ
ਕਿੱਥੇ ਗੁਰੂ ਸੂਫ਼ੀ ਸੰਤ
ਕਿੱਥੇ ਸੁਬਹ ਦੀ ਗੁਆਚ ਗਈ ਅਜ਼ਾਨ ।
ਓ...ਪੰਜਾਬ ਓ...ਪੰਜਾਬ-।
ਤੇਰੇ ਪਾਣੀਆਂ ’ਚ ਸੇਕ
ਗੁੱਸੇ ਜਾਪਦੈ ਹਰੇਕ
ਕੁਝ ਬੋਲਦਾ ਕਿਉਂ ਨਈਂ
ਰਿਹੈਂ ਚੁੱਪ-ਚਾਪ ਵੇਖ
ਇਥੇ ਹੋ ਗਏ ਨੇ, ਕਿੱਦਾਂ ਦੇ ਇਨਸਾਨ ।
ਓ .. ਪੰਜਾਬ...ਓ...ਪੰਜਾਬ
ਇਹ ਜੋ ਹੋਈ ਅਣਹੋਈ
ਏਦਾਂ ਕਦੇ ਵੀ ਨਾ ਹੋਈ
ਇਥੇ ਦਰਦੀ ਨਾ ਕੋਈ
ਕਾਫ਼ੀ ਬੁਲ੍ਹੇ ਸ਼ਾਹ ਦੀ ਰੋਈ
ਕਿੱਥੇ ਗਿਆ ਸਾਡਾ ਦੀਨ-ਈਮਾਨ
ਪੰਜਾਬ... ਪੰਜਾਬ... ਪੰਜਾਬ
ਅੱਜ ਆਪਣੇ ਹੀ ਖ਼ੂਨ
ਕੀਤਾ ਜ਼ਖਮੀ ਸਕੂਨ
ਜੀਣਾ ਹੋ ਗਿਆ ਮੁਹਾਲ
ਕੈਸੀ ਚੰਦਰੀ ਇਹ ਜੂਨ
ਅਸੀਂ ਆਪਣੀ ਹੀ ਭੁੱਲ ਗਏ ਪਛਾਣ
ਪੰਜਾਬ... ਪੰਜਾਬ...ਪੰਜਾਬ
