ਜੇ ਜੀਣਾ ਚਾਰ ਦਿਹਾੜੇ ਤਾਂ, ਅੱਖੀਆਂ ਵਿਚ ਖ਼ਾਬ ਸਜਾਉਂਦਾ ਰਹੀ
ਮੰਜ਼ਿਲ ਪਾਵੇਂ ਜਾਂ ਨ ਪਾਵੇਂ, ਰਾਹਾਂ ਤੇ ਕਦਮ ਟਿਕਾਉਂਦਾ ਰਹੀ
ਅੱਜ ਕੱਲ ਤਾਂ ਹਰ ਇਕ ਬੰਦਾ ਹੀ, ਨਿੱਜਤਾ ਦੇ ਖੂਹ ਵਿਚ ਡੁੱਬਿਆ ਹੈ
ਤੂੰ ਦੇਖ ਦੁਖੀ ਹਮਸਾਇਆ ਨੂੰ, ਦੁੱਖ-ਦਰਦ ਹਮੇਸ਼ ਵੰਡਾਉਂਦਾ ਰਹੀ
ਹਰ ਪਾਸੇ ਮਾਰੋ ਮਾਰ ਪਈ, ਇਹ ਕੈਸਾ ਮੌਸਮ ਆਇਆ ਹੈ?
ਇਨ੍ਹਾਂ ਲੋਟੂਆਂ, ਡਾਕੂਆਂ, ਚੋਰਾਂ ਦੇ, ਅਸਲੀ ਕਿਰਦਾਰ ਦਿਖਾਉਂਦਾ ਰਹੀ
ਇਸ ਧਰਤੀ ਤੇ ਕਈ ਜ਼ੋਰਾਵਰ, ਆਏ ਸੀ ਧੌਂਸ ਜਮਾਵਣ ਲਈ
ਇਨ੍ਹਾਂ ਨ੍ਹੇਰੀਆਂ-ਝੱਖੜਾਂ ਲੰਘ ਜਾਣਾ,ਤੂੰ ਸੱਚ ਦੀ ਅਲਖ ਜਗਾਉਂਦਾ ਰਹੀ
