ਪਿਆਰੇ ਤੋਤੇ; ਕੁਝ ਵੀ ਹੋਵੇ,
ਸਦਾ ਅਸੀਂ ਖ਼ੁਸ਼ ਰਹੀਏ ।
ਕੰਮ ਰੋਜ਼ ਦਾ ਕਰਦੇ ਕਰਦੇ,
ਮਾਂ ਦੇ ਚਰਨੀ ਢਹੀਏ ।
ਇਹ ਕੁਦਰਤ ਕਾਨੂੰਨ ਪਤਾ ਹੈ,
ਜੇ ਰੱਜ ਮਿਹਨਤ ਕਰੀਏ,
ਫਲ ਮਿਲੇਗਾ ਸਾਨੂੰ ਉਸ ਦਾ,
ਕਿਉਂ ਮਨ ਸੋਗੀਂ ਭਰੀਏ ?
ਥਕ ਜਾਣਾ ਤੇ ਡਰ ਵਿਚ ਰਹਿਣਾ,
ਤੇ ਸੋਚਾਂ ਦੁਖਦਾਈ,
ਇਕੋ ਪਿਆਰ ਹੈ ਦਾਰੂ ਸਭ ਦਾ,
ਪਿਆਰ ਨਾ ਮਰੇ ਕਦਾਈਂ ।
ਧਰ ਕੇ ਧਿਆਨ ਭਾਨੁ ਦੇਵ ਦਾ
ਧਰਮ ਪੱਥ ਤੇ ਜਾਈਏ ।
ਇਕ ਹਜ਼ਾਰ ਵਰ੍ਹੇ ਤਕ ਤੋਤੇ !
ਜੀਵਨ ਖ਼ੁਸ਼ੀ ਬਿਤਾਈਏ ।
ਜਦ ਭਗਵਾਨ ਮੁਰੁਗਨ ਨੂੰ ਭੇਟਾ,
ਪਿਆਰ ਬੇਦਾਗ਼ਾ ਕਰੀਏ ।
ਫਿਰ ਹੇ ਸੋਹਣੇ ਪੰਛੀ ਕਿਦਾਂ
ਦੁਖ ਤਕਲੀਫ਼ਾਂ ਜਰੀਏ ?
