ਅਨਮੋਲ ਵਿਚਾਰਾਂ ਦਾ ਸੰਗ੍ਰਹਿ

ਸੁੱਤੀ ਮਿੱਟੀ ਮੌਤ ਵਾਂਗ ਹੁੰਦੀ ਐ, ਜੇ ਉਸ ਨੂੰ ਵਾਹ ਲਈਏ, ਜ਼ਿੰਦਗੀ ਬਣ ਜਾਂਦੀ ਹੈ।

- ਜਸਵੰਤ ਸਿੰਘ ਕੰਵਲ

ਸੁਆਹ ਦਾ ਹਰ ਛੋਟਾ ਜਿਹਾ ਅਣੂ ਮੇਰੀ ਗਰਮੀ ਨਾਲ ਗਤੀ ਵਿੱਚ ਹੈ। ਮੈਂ ਅਜਿਹਾ ਪਾਗਲ ਹਾਂ ਕਿ ਜੇਲ੍ਹ ਵਿੱਚ ਵੀ ਆਜ਼ਾਦ ਹਾਂ।

- ਭਗਤ ਸਿੰਘ

ਸਾਧ ਸੰਗਤ ਤੋਂ ਬਿਨਾਂ ਬੁਰੇ ਭਲੇ ਦਾ ਨਿਰਣਾ ਨਹੀਂ ਹੁੰਦਾ.. ਔਰ ਪਰਮੇਸਰ ਦੇ ਚਰਨਾਂ ਵੱਲ ਮੂੰਹ ਨਹੀਂ ਮੁੜਦਾ.. ਇਸ ਲਈ ਮਾਇਆ ਦੀ ਅੱਗ ਤੋਂ ਰਖਿਆ ਕਰਨ ਵਾਲੀ ਪਹਿਲੀ ਵਸਤੂ "ਸਾਧ ਸੰਗਤ” ਹੈ..

- ਭਾਈ ਵੀਰ ਸਿੰਘ

ਸਾਡੇ ਮਨ ਦੀਆਂ ਮੈਲਾਂ, ਸਾਡੇ ਪਾਪ, ਸਾਡੀ ਖੋਟੀ ਵਾਸ਼ਨਾ, ਮੰਦੇ ਕਰਮ, ਮੰਦੇ ਬੋਲ, ਮਾਇਆ ਦੀ ਪ੍ਰੀਤ ਜੋ ਕੁਝ ਭੀ ਹੈ ਸਭ ਵਿਛੋੜੇ ਕਰਕੇ ਹੈ, ਅਸੀਂ ਸਿਰਜਣਹਾਰ ਤੋਂ ਵਿੱਛੜ ਗਏ ਹਾਂ।

- ਭਾਈ ਵੀਰ ਸਿੰਘ

ਸਭ ਤੋਂ ਖਤਰਨਾਕ ਹੁੰਦਾ ਹੈ ਸਾਡੇ ਸੁਪਨਿਆਂ ਦਾ ਮਰ ਜਾਣਾ।

- ਅਵਤਾਰ ਸਿੰਘ ਪਾਸ਼

ਸਭ ਤੋਂ ਖ਼ਤਰਨਾਕ ਉਹ ਘੜੀ ਹੁੰਦੀ ਹੈ ਤੁਹਾਡੇ ਗੁੱਟ 'ਤੇ ਚਲਦੀ ਹੋਈ ਵੀ ਜੋ ਤੁਹਾਡੀ ਨਜ਼ਰ ਦੇ ਲਈ ਖੜ੍ਹੀ ਹੁੰਦੀ ਹੈ।

- ਅਵਤਾਰ ਸਿੰਘ ਪਾਸ਼

ਸੱਦੋਂਗੇ ਤਾਂ ਮੈਂ ਤੁਹਾਡੇ ਕੋਲ ਆਵਾਂਗਾ ਪੂਰੇ ਦਾ ਪੂਰਾ, ਆਪਣੇ ਔਗੁਣਾਂ ਸਣੇ, ਮੈਂ ਕਿਸ਼ਤਾਂ ਵਿੱਚ ਨਹੀਂ ਆਉਂਦਾ...

- ਪ੍ਰੋ . ਪੂਰਨ ਸਿੰਘ

ਸਤਿਗੁਰੂ ਨਾਨਕ ਦੇਵ ਜੀ ਦੇ ਆਗਮਨ ਵਾਸਤੇ
ਪਹਿਲਾਂ ਸਾਡੇ ਹਿਰਦੇ ਦਾ ਸ਼ੁੱਧ ਹੋਣਾ ਬਹੁਤ ਜ਼ਰੂਰੀ ਹੈ।
ਗੰਦੇ ਘਰ ਵਿੱਚ ਕੋਈ ਸ਼ਹਿਨਸ਼ਾਹ ਕਿਵੇਂ ਆ ਸਕਦਾ ਹੈ...

- ਭਾਈ ਵੀਰ ਸਿੰਘ

ਸਤਿਸੰਗ ਵਿੱਚ ਨਿਵਾਸ ਕਰੋ, ਓਥੇ ਨਾਮ ਦਾ ਪ੍ਰੇਮ ਲਗੇਗਾ, ਪਾਪ ਨਾਸ਼ ਹੋਣਗੇ, ਅਗਿਆਨ ਤੇ ਜਨਮ ਮਰਨ ਦੇ ਦੁੱਖ ਦੂਰ ਹੋਣਗੇ।

- ਭਾਈ ਵੀਰ ਸਿੰਘ

ਸਚਾਈ ਤੇ ਦ੍ਰਿੜ੍ਹਤਾ ਦੇ ਸਾਹਮਣੇ ਕੋਈ ਨਹੀਂ ਟਿਕ ਸਕਦਾ ਇਹ ਵੀ ਸੂਰਮਤਾਈ ਦਾ ਇੱਕ ਚਿੰਨ੍ਹ ਹੈ।

- ਪ੍ਰੋ . ਪੂਰਨ ਸਿੰਘ