ਟਰੰਪ ਕਾਰਡ: ਅਮੀਰਾਂ ਲਈ 5 ਮਿਲੀਅਨ ਡਾਲਰ ਦਾ 'ਗੋਲਡ ਕਾਰਡ' ਜਾਰੀ

ਵੀਰਵਾਰ ਨੂੰ ਏਅਰ ਫੋਰਸ ਵਨ 'ਤੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ, ਟਰੰਪ ਨੇ ਮਾਣ ਨਾਲ "ਟਰੰਪ ਕਾਰਡ" ਨਾਮਕ ਸਕੀਮ ਬਾਰੇ ਦੱਸਿਆ ਜੋ ਕਿ ਉਸਦੇ ਪ੍ਰਸ਼ਾਸਨ ਦੇ ਈਬੀ-5(EB-5) ਵੀਜ਼ਾ ਪ੍ਰੋਗਰਾਮ ਵਿੱਚ ਸੁਧਾਰ ਦਾ ਹਿੱਸਾ ਹੈ। ਟਰੰਪ ਨੇ ਕਾਰਡ ਦਿਖਾਉਂਦੇ ਹੋਏ ਕਿਹਾ, "5 ਮਿਲੀਅਨ ਡਾਲਰ ਵਿੱਚ ਇਹ ਤੁਹਾਡਾ ਹੋ ਸਕਦਾ ਹੈ।"  

ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਕਾਰਡ ਕੀ ਹੈ?"

"ਇਹ ਸੋਨੇ ਦਾ ਕਾਰਡ ਹੈ ਟਰੰਪ ਕਾਰਡ।"

ਇਸ ਸੋਨੇ ਦੇ ਕਾਰਡ ਵਿੱਚ ਚਮਕਦਾਰ ਰੂਪ ਵਿੱਚ ਟਰੰਪ ਅਤੇ ਸਟੈਚੂ ਆਫ਼ ਲਿਬਰਟੀ ਦੀਆਂ ਤਸਵੀਰਾਂ ਛਪੀਆਂ ਹੋਈਆਂ ਸਨ, ਜਿਸ ਵਿੱਚ 'ਦ ਟਰੰਪ ਕਾਰਡ' ਮੋਟੇ ਅੱਖਰਾਂ ਵਿੱਚ ਅਤੇ ਸੰਯੁਕਤ ਰਾਜ ਅਮਰੀਕਾ ਇਸਦੇ ਸਿਖਰ 'ਤੇ ਲਿਖਿਆ ਸੀ।

ਟਰੰਪ ਨੇ ਇਹ ਐਲਾਨ ਉਦੋਂ ਕੀਤਾ ਜਦੋਂ ਉਹ ਆਪਣੇ ਰਿਜ਼ੋਰਟ ਵਿੱਚ ਇੱਕ ਐਲ.ਆਈ.ਵੀ.(LIV) ਗੋਲਫ ਟੂਰਨਾਮੈਂਟ ਲਈ ਫਲੋਰੀਡਾ ਦੀ ਯਾਤਰਾ ਕਰ ਰਿਹਾ ਸੀ। ਉਸਨੇ ਖੁਦ ਲਈ ਗੋਲਡ ਕਾਰਡ ਦਾ ਪਹਿਲਾ ਖਰੀਦਦਾਰ ਹੋਣ ਦਾ ਦਾਅਵਾ ਕੀਤਾ। ਇਹ ਗੋਲਡ ਗ੍ਰੀਨ ਕਾਰਡ ਸਕੀਮ ਈਬੀ-5(EB-5) ਵੀਜ਼ਾ ਪ੍ਰਣਾਲੀ ਨੂੰ ਆਧੁਨਿਕ ਬਣਾਉਂਦੀ ਹੈ, ਜੋ 1990 ਦੇ ਦਹਾਕੇ ਵਿੱਚ ਬਣਾਈ ਗਈ ਸੀ ਜਿਸ ਤਹਿਤ ਉਨ੍ਹਾਂ ਵਿਦੇਸ਼ੀ ਨਾਗਰਿਕਾਂ ਨੂੰ ਗ੍ਰੀਨ ਕਾਰਡ ਦਿੱਤਾ ਜਾਂਦਾ ਹੈ ਜੋ ਅਮਰੀਕਾ ਵਿੱਚ ਘੱਟੋ-ਘੱਟ $1 ਮਿਲੀਅਨ ਦਾ ਨਿਵੇਸ਼ ਕਰਦੇ ਹਨ।

ਪ੍ਰਵਾਸੀਆਂ ਨੂੰ ਨੌਕਰੀਆਂ ਦੇਣ ਵਾਲੇ ਨਿਯਮਤ ਵੀਜ਼ਿਆਂ ਦੇ ਉਲਟ, ਇੱਕ ਗ੍ਰੀਨ ਕਾਰਡ ਸਥਾਈ ਨਿਵਾਸ ਅਤੇ ਨਾਗਰਿਕਤਾ ਦਾ ਰਸਤਾ ਪ੍ਰਦਾਨ ਕਰਦਾ ਹੈ।

ਵਣਜ ਸਕੱਤਰ ਹਾਵਰਡ ਲੂਟਨਿਕ ਨੇ ਪਹਿਲਾਂ ਦਾਅਵਾ ਕੀਤਾ ਸੀ ਕਿ 1,000 ਤੋਂ ਵੱਧ ਗੋਲਡ ਕਾਰਡ ਪਹਿਲਾਂ ਹੀ ਵੇਚੇ ਜਾ ਚੁੱਕੇ ਹਨ ਅਤੇ ਅੰਦਾਜ਼ਾ ਲਗਾਇਆ ਗਿਆ ਹੈ ਕਿ ਦੁਨੀਆ ਭਰ ਵਿੱਚ 37 ਮਿਲੀਅਨ ਲੋਕ ਇਸਨੂੰ ਖਰੀਦ ਸਕਦੇ ਹਨ। ਉਸਨੇ ਦਲੀਲ ਦਿੱਤੀ ਕਿ ਇਹ ਪ੍ਰੋਗਰਾਮ ਅਮਰੀਕਾ ਦੇ ਰਾਸ਼ਟਰੀ ਕਰਜ਼ੇ ਨਾਲ ਨਜਿੱਠਣ ਲਈ ਮਹੱਤਵਪੂਰਨ ਫੰਡ ਇਕੱਠਾ ਕਰ ਸਕਦਾ ਹੈ, ਜੋ ਕਿ ਵਰਤਮਾਨ ਵਿੱਚ $36.5 ਟ੍ਰਿਲੀਅਨ ਹੈ।

ਲੂਟਨਿਕ ਨੇ ਸਮਝਾਇਆ ਕਿ "200,000 ਗੋਲਡ ਗ੍ਰੀਨ ਕਾਰਡਾਂ ਨਾਲ ਸਾਡੇ $1 ਟ੍ਰਿਲੀਅਨ ਦੇ ਕਰਜ਼ੇ ਦਾ ਭੁਗਤਾਨ ਹੋ ਜਾਵੇਗਾ।"

ਇਸ ਸੋਧੀ ਹੋਈ ਪ੍ਰਣਾਲੀ ਨੇ ਗੋਲਡ ਕਾਰਡ ਪ੍ਰਕਿਰਿਆ ਨੂੰ ਵੀ ਸਰਲ ਬਣਾਇਆ ਹੈ ਤੇ ਪੇਂਡੂ ਜਾਂ ਉੱਚ-ਬੇਰੁਜ਼ਗਾਰੀ ਖੇਤਰਾਂ ਵਿੱਚ ਨਿਵੇਸ਼ ਲਈ ਪਿਛਲੀਆਂ ਤਰਜੀਹਾਂ ਨੂੰ ਖਤਮ ਕਰ ਦਿੱਤਾ ਹੈ। ਹਾਲਾਂਕਿ, ਸਰਕਾਰੀ  ਸਮੂਹਾਂ ਨੇ ਚਿੰਤਾਵਾਂ ਜ਼ਾਹਰ ਕੀਤੀਆਂ ਹਨ ਕਿ ਇਹ ਯੋਜਨਾ ਭ੍ਰਿਸ਼ਟਾਚਾਰ ਨੂੰ ਜਨਮ ਦੇ ਸਕਦੀ ਹੈ। ਨਿਊਯਾਰਕ ਪੋਸਟ ਦੇ ਹਵਾਲੇ ਅਨੁਸਾਰ ਇਨਵੈਸਟ ਇਨ ਦਾ ਯੂਐਸਏ (IIUSA) ਪ੍ਰੋਗਰਾਮ ਭਾਗੀਦਾਰਾਂ ਦੇ ਵਪਾਰ ਸੰਗਠਨ ਦੇ ਅੰਕੜਿਆਂ ਅਨੁਸਾਰ, ਪਿਛਲੇ ਢਾਈ ਦਹਾਕਿਆਂ ਤੋਂ, 135,518 ਈਬੀ-5(EB-5) ਵੀਜ਼ੇ ਜਾਰੀ ਕੀਤੇ ਗਏ ਹਨ।

ਇਹ ਗੋਲਡ ਕਾਰਡ ਪ੍ਰੋਗਰਾਮ ਆਉਣ ਵਾਲੇ ਹਫ਼ਤਿਆਂ ਵਿੱਚ ਸ਼ੁਰੂ ਹੋਣ ਦੀ ਉਮੀਦ ਹੈ।