ਗ਼ੁੱਸਾ ਤੇਰੇ ਨੱਕ 'ਤੇ ਪਿਆ ਹੈ, ਝੱਟ ਹੀ ਛਲਕ ਪੈਂਦਾ ਹੈ।
ਸਲੀਮਾ ਸਿੱਠਣੀਆਂ ਸੁਣ ਕੇ ਕਲਪ ਉੱਠੀ, ਪਰ ਆਪਣਾ ਗੁੱਸਾ ਪੀ ਕੇ ਆਖਣ ਲੱਗੀ, “ਭੈਣ ਏਹ ਵੇਲਾ ਤਾਂ ਚਾਅ ਦੇ ਗੀਤ ਗਾਉਣ ਦਾ ਏ, ਤੇ ਤੁਸੀਂ ਗੰਦ ਬੋਲਣ ਲੱਗ ਪਈਆਂ ਹੋ।
ਰਾਇ ਸਾਹਿਬ (ਮੈਨੇਜਰ ਦੇ ਚਲੇ ਜਾਣ ਤੇ) ਉਸੇ ਤਰ੍ਹਾਂ ਕਾਹਲੇ ਕਾਹਲੇ ਕਦਮ ਪੁੱਟਦੇ ਹੋਏ ਕਮਰੇ ਵਿੱਚ ਟਹਿਲਣ ਲੱਗੇ। ਉਨ੍ਹਾਂ ਦੀ ਰਗ ਰਗ ਵਿੱਚੋਂ ਇਸ ਵੇਲੇ ਗੁੱਸੇ ਦੀਆਂ ਲਾਟਾਂ ਨਿਕਲ ਰਹੀਆਂ ਸਨ।
ਮਦਨ ਅੰਦਰ ਹੀ ਅੰਦਰ ਗੁੱਸੇ ਨਾਲ ਦੰਦ ਪੀਂਹਦਾ ਹੋਇਆ ਸੋਚ ਰਿਹਾ ਸੀ-ਏਹ ਕੀ ਬੇਹੂਦਾ ਬਕਵਾਸ ਕਰੀ ਜਾ ਰਹੀ ਹੈ।
ਭਰਾਵਾ, ਆਪਾਂ ਤੇ ਇਸ ਕੰਮ ਵਿੱਚ ਪੰਜ ਸੌ ਰੁਪਿਆ ਗੁਗਲ ਕਰ ਚੁਕੇ ਹਾਂ। ਹੁਣ ਛੱਡਿਆ ਵੀ ਨਹੀਂ ਜਾਂਦਾ ਤੇ ਰੱਖਣ ਦੀ ਵੀ ਹਿੰਮਤ ਨਹੀਂ।
ਨਰਦਾਂ ਹੋਈਆਂ ਪੁੱਠੀਆਂ ਚੱਪੜ ਚੌੜ ਚੁਪਟ, ਆਸਫ ਸਕੇ ਭਰਾ ਨੇ ਮਾਰੀ ਗੁੱਝੀ ਸੱਟ।
ਮੈਂ ਉਸ ਨਾਲ ਗੱਲ ਕੀ ਕਰਦਾ, ਉਹ ਤਾਂ ਬਿਲਕੁਲ ਹੀ ਗੁੱਟ ਸੀ ਤੇ ਇੱਧਰ ਉੱਧਰ ਦੀਆਂ ਮਾਰੀ ਜਾਂਦਾ ਸੀ।
ਰੱਬ ਲਾਇਆ ਭਾਗ, ਤੇਰੇ ਬਾਗ ਤੇ ਬਹਾਰ ਆਈ, ਤਾਰੇ ਵਾਂਗ ਜਾਪੇ ਤੇਰੀ ਗੁੱਡੀ ਅਸਮਾਨ ਵਿੱਚ, ਉੱਜਲਾ ਏ ਦੇਸ, ਤੇਰੀ ਜੋਤ ਦੇ ਉਜਾਲੇ ਨਾਲ, ਸੋਨਾ ਨਿੱਤ ਉੱਗੇ ਤੇਰੇ ਖੇਤਰਾਂ ਦੀ ਖਾਨ ਵਿੱਚ।
ਅੱਜ -ਕੱਲ੍ਹ ਤਾਂ ਮੇਰੀ ਦੁਕਾਨ ਦੀ ਖ਼ੂਬ ਗੁੱਡੀ ਚੜ੍ਹੀ ਹੋਈ ਹੈ।
ਉਹ ਸੁੱਕੀਆਂ ਵਡਿਆਈਆਂ ਦੇ ਗੁੱਡੇ ਪਾਉਣੇ ਜਾਣਦਾ ਹੈ। ਇਸ ਲਈ ਸਾਰਿਆਂ ਨੂੰ ਖੁਸ਼ ਰੱਖ ਸਕਦਾ ਹੈ।
ਇਹ ਕੀ ਔਖੀ ਗੱਲ ਹੈ। ਗੁਣੇ ਪਾ ਲਓ ਜਿਹੜਾ ਹਿੱਸਾ ਕਿਸੇ ਨੂੰ ਪਸੰਦ ਆਂਦਾ ਹੈ, ਲੈ ਲਏ । ਆਖਰੀ ਮੈਂ ਲੈ ਲਵਾਂਗਾ।
ਪਹਿਲਵਾਨਾਂ ਨੇ ਥਾਪੀ ਮਾਰੀ ਤੇ ਝੱਟ ਗੁੱਥਮ ਗੁੱਥਾ ਹੋ ਗਏ।