ਹਾਰਵਰਡ ਯੂਨੀਵਰਸਿਟੀ ਨੇ ਫੰਡਿੰਗ ਫ੍ਰੀਜ਼ ਕਰਨ ਲਈ ਟਰੰਪ ਪ੍ਰਸ਼ਾਸਨ 'ਤੇ ਕੀਤਾ ਮੁਕੱਦਮਾ

ਸੋਮਵਾਰ ਨੂੰ ਦਾਇਰ ਕੀਤਾ ਗਿਆ ਇਹ ਮੁਕੱਦਮਾ ਉਸ ਝਗੜੇ ਦਾ ਹਿੱਸਾ ਹੈ ਜੋ ਪਿਛਲੇ ਹਫ਼ਤੇ ਵਧਿਆ ਸੀ ਜਦੋਂ ਇਲੀਟ ਸੰਸਥਾ ਨੇ  ਟਰੰਪ ਪ੍ਰਸ਼ਾਸਨ ਦੀਆਂ ਮੰਗਾਂ ਦੀ ਇੱਕ ਸੂਚੀ ਨੂੰ ਰੱਦ ਕਰ ਦਿੱਤਾ ਸੀ ਜਿਸ ਵਿੱਚ ਵਿਭਿੰਨਤਾ ਪਹਿਲਕਦਮੀਆਂ ਨੂੰ ਰੋਕਣ ਅਤੇ ਸਕੂਲਾਂ ਵਿੱਚ ਯਹੂਦੀ ਵਿਰੋਧੀਵਾਦ ਨਾਲ ਲੜਨ ਲਈ ਤਿਆਰ ਕੀਤੀਆਂ ਗਈਆਂ ਨੀਤੀਆਂ ਸਨ।

ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ 2.2 ਬਿਲੀਅਨ ਡਾਲਰ (£1.7 ਬਿਲੀਅਨ) ਦੀ ਸੰਘੀ ਫੰਡਿੰਗ ਨੂੰ ਫ੍ਰੀਜ ਕਰ ਦਿੱਤਾ ਅਤੇ ਯੂਨੀਵਰਸਿਟੀ ਦੇ ਟੈਕਸ-ਮੁਕਤ ਹੋਣ ਨੂੰ ਵੀ ਖ਼ਤਰਾ ਪੈਦਾ ਕਰ ਦਿੱਤਾ।

ਹਾਰਵਰਡ ਦੇ ਪ੍ਰਧਾਨ ਐਲਨ ਐਮ. ਗਾਰਬਰ ਨੇ ਸੋਮਵਾਰ ਨੂੰ ਯੂਨੀਵਰਸਿਟੀ ਨੂੰ ਲਿਖੇ ਇੱਕ ਪੱਤਰ ਵਿੱਚ ਕਿਹਾ, "ਸਰਕਾਰ ਦੇ ਅੱਤਿਆਚਾਰ ਦੇ ਨਤੀਜੇ ਗੰਭੀਰ ਅਤੇ ਲੰਬੇ ਸਮੇਂ ਤੱਕ ਚੱਲਣ ਵਾਲੇ ਹੋਣਗੇ।" ਗਾਰਬਰ ਨੇ ਕਿਹਾ ਕਿ ਫੰਡਿੰਗ ਫ੍ਰੀਜ਼ ਨੇ ਪਡੈਟਰਿਕ ਕੈਂਸਰ, ਅਲਜ਼ਾਈਮਰ ਰੋਗ ਅਤੇ ਪਾਰਕਿੰਸਨ'ਸ ਰੋਗ 'ਤੇ ਅਧਿਐਨਾਂ ਸਮੇਤ ਮਹੱਤਵਪੂਰਨ ਖੋਜਾਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਸਕੂਲ ਨੇ ਮੁਕੱਦਮੇ ਵਿੱਚ ਕਿਹਾ ਹੈ ਕਿ, "ਹਾਲ ਹੀ ਦੇ ਹਫ਼ਤਿਆਂ ਵਿੱਚ, ਸੰਘੀ ਸਰਕਾਰ ਨੇ ਖੋਜ ਲਈ ਮਹੱਤਵਪੂਰਨ ਫੰਡਿੰਗ'ਤੇ ਇੱਕ ਵਿਆਪਕ ਹਮਲਾ ਸ਼ੁਰੂ ਕੀਤਾ ਹੈ ਜੋ ਇਸ ਅਨਮੋਲ ਖੋਜ ਨੂੰ ਰੋਕ ਰਹੀਆਂ ਹਨ।"

ਹਾਰਵਰਡ ਵਿਖੇ ਆਪਣੇ ਮੁਤਾਬਿਕ ਅਕਾਦਮਿਕ ਫੈਸਲੇ ਲੈਣ 'ਤੇ ਨਿਯੰਤਰਣ ਹਾਸਲ ਕਰਨ ਲਈ, ਸੰਘੀ ਫੰਡਿੰਗ ਨੂੰ ਰੋਕਣਾ ਸਰਕਾਰ ਦੀ ਨੀਤੀ ਹੈ। ਫੰਡਿੰਗ ਤੋਂ ਇਲਾਵਾ, ਟਰੰਪ ਪ੍ਰਸ਼ਾਸਨ ਨੇ ਕੁਝ ਦਿਨ ਪਹਿਲਾਂ ਹਾਰਵਰਡ ਦੀ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਦਾਖਲ ਕਰਨ ਦੀ ਯੋਗਤਾ ਨੂੰ ਵੀ ਖ਼ਤਰਾ ਪੈਦਾ ਕੀਤਾ ਸੀ।

ਗਾਰਬਰ ਜੋ ਕਿ ਯਹੂਦੀ ਹਨ, ਨੇ ਸਵੀਕਾਰ ਕੀਤਾ ਕਿ ਹਾਰਵਰਡ ਦੇ ਕੈਂਪਸ ਵਿੱਚ ਯਹੂਦੀ-ਵਿਰੋਧੀਵਾਦ ਦੇ ਮੁੱਦੇ ਹਨ ਪਰ ਕਿਹਾ ਕਿ ਉਨ੍ਹਾਂ ਨੇ ਇਸ ਸਮੱਸਿਆ ਨਾਲ ਨਜਿੱਠਣ ਲਈ ਟਾਸਕ ਫੋਰਸਾਂ ਸਥਾਪਤ ਕੀਤੀਆਂ ਹਨ। ਉਨ੍ਹਾਂ ਕਿਹਾ ਕਿ ਯੂਨੀਵਰਸਿਟੀ ਦੋ ਟਾਸਕ ਫੋਰਸਾਂ ਦੀ ਰਿਪੋਰਟ ਜਾਰੀ ਕਰੇਗੀ ਜੋ ਯਹੂਦੀ-ਵਿਰੋਧੀ ਅਤੇ ਮੁਸਲਿਮ-ਵਿਰੋਧੀ ਪੱਖਪਾਤ ਦੀ ਜਾਂਚ ਕਰਦੀਆਂ ਹਨ।

ਮੈਸੇਚਿਉਸੇਟਸ ਵਿੱਚ ਸਥਿਤ ਇਹ ਪ੍ਰਮੁੱਖ ਅਮਰੀਕੀ ਯੂਨੀਵਰਸਿਟੀ, ਇਕਲੌਤੀ ਸੰਸਥਾ ਨਹੀਂ ਹੈ ਜੋ ਸੰਘੀ ਡਾਲਰਾਂ ਦੀ ਰੋਕ ਦਾ ਸਾਹਮਣਾ ਕਰ ਰਹੀ ਹੈ, ਇਹ ਨਵੀਆਂ ਵਿਗਿਆਨਕ ਖੋਜਾਂ ਨੂੰ ਫੰਡ ਦੇਣ ਵਿੱਚ ਇੱਕ ਵੱਡੀ ਭੂਮਿਕਾ ਨਿਭਾਉਂਦੀ ਹੈ।

ਟਰੰਪ ਪ੍ਰਸ਼ਾਸਨ ਨੇ ਹੋਰ ਨਿੱਜੀ ਆਈਵੀ ਲੀਗ ਸੰਸਥਾਵਾਂ ਨੂੰ ਵੀ ਨਿਸ਼ਾਨਾ ਬਣਾਇਆ ਹੈ ਜਿਸ ਵਿੱਚ ਕਾਰਨੇਲ ਯੂਨੀਵਰਸਿਟੀ ਵਿੱਚ $1 ਬਿਲੀਅਨ ਅਤੇ ਬ੍ਰਾਊਨ ਯੂਨੀਵਰਸਿਟੀ ਵਿੱਚ $510 ਮਿਲੀਅਨ ਨੂੰ ਮੁਅੱਤਲ ਕਰਨਾ ਸ਼ਾਮਲ ਹੈ। ਪਿਛਲੇ ਸਾਲ ਫਲਸਤੀਨ ਪੱਖੀ ਕੈਂਪਸ ਵਿਰੋਧ ਪ੍ਰਦਰਸ਼ਨਾਂ ਦਾ ਕੇਂਦਰ ਰਹੀ ਕੋਲੰਬੀਆ ਯੂਨੀਵਰਸਿਟੀ ਸਮੇਤ ਕਈ ਹੋਰ ਯੂਨੀਵਰਸਿਟੀਆਂ ਸੰਘੀ ਫੰਡਾਂ ਦੇ $400 ਮਿਲੀਅਨ ਦੇ ਖਤਰੇ ਤੋਂ ਬਾਅਦ ਕੁਝ ਮੰਗਾਂ ਲਈ ਸਹਿਮਤ ਹੋ ਗਈਆਂ ਹਨ।

ਹਾਰਵਰਡ ਲਈ ਟਰੰਪ ਵੱਲੋਂ ਰੱਖੀਆਂ ਮੰਗਾਂ ਵਿੱਚ ਯੂਨੀਵਰਸਿਟੀ ਦੇ ਪਾਠਕ੍ਰਮ ਦੇ ਨਾਲ-ਨਾਲ ਵਿਦਿਆਰਥੀਆਂ ਦੀ ਭਰਤੀ ਅਤੇ ਦਾਖਲੇ ਦੇ ਡੇਟਾ ਦੀ ਸਰਕਾਰ ਦੁਆਰਾ ਪ੍ਰਵਾਨਿਤ ਬਾਹਰੀ ਆਡਿਟ ਲਈ ਸਹਿਮਤੀ ਵੀ ਸ਼ਾਮਲ ਸੀ। ਇਸਦੇ ਜਵਾਬ ਵਿੱਚ ਹਾਰਵਰਡ ਨੇ ਇਹਨਾਂ ਮੰਗਾਂ ਨੂੰ ਰੱਦ ਕਰਦੇ ਹੋਏ ਇੱਕ ਤਿੱਖਾ ਪੱਤਰ ਜਾਰੀ ਕੀਤਾ।

ਹਾਰਵਰਡ ਦੇ ਵਕੀਲਾਂ ਨੇ 14 ਅਪ੍ਰੈਲ ਨੂੰ ਪ੍ਰਸ਼ਾਸਨ ਨੂੰ ਦੱਸਿਆ, "ਯੂਨੀਵਰਸਿਟੀ ਆਪਣੀ ਆਜ਼ਾਦੀ ਨਹੀਂ ਛੱਡੇਗੀ ਅਤੇ ਨਾ ਹੀ ਆਪਣੇ ਸੰਵਿਧਾਨਕ ਅਧਿਕਾਰਾਂ ਨੂੰ ਤਿਆਗ ਦੇਵੇਗੀ।" "ਨਾ ਤਾਂ ਹਾਰਵਰਡ ਅਤੇ ਨਾ ਹੀ ਕੋਈ ਹੋਰ ਨਿੱਜੀ ਯੂਨੀਵਰਸਿਟੀ ਆਪਣੇ ਆਪ ਨੂੰ ਸੰਘੀ ਸਰਕਾਰ ਦੁਆਰਾ ਆਪਣੇ ਕਬਜ਼ੇ ਵਿੱਚ ਲੈਣ ਦੀ ਇਜਾਜ਼ਤ ਦੇ ਸਕਦੀ ਹੈ। ਇਸ ਅਨੁਸਾਰ, ਹਾਰਵਰਡ ਸਿਧਾਂਤਕ ਤੌਰ 'ਤੇ ਸਰਕਾਰ ਦੀਆਂ ਸ਼ਰਤਾਂ ਨੂੰ ਇੱਕ ਸਮਝੌਤੇ ਵਜੋਂ ਸਵੀਕਾਰ ਨਹੀਂ ਕਰੇਗਾ।"

ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ, ਜੋ ਕਿ ਹਾਰਵਰਡ ਦੇ ਸਾਬਕਾ ਵਿਦਿਆਰਥੀ ਸਨ, ਨੇ ਕਿਹਾ ਕਿ ਉਹ ਯੂਨੀਵਰਸਿਟੀ ਦਾ ਸਮਰਥਨ ਕਰਦੇ ਹਨ।